گل سن نی مائے میریے
گل سن نی مائے میریے
تیرے بعد حیاتی انج ہوئی
جیویں راکھ پرانی لیر دی
اک یاد نیں سینہ پھاڑیا
اک یاد کلیجہ چیردی
گل سن نی مائے میریے
تیرے باجھ نیں راتاں نھیریاں
سبھ بجھ گئے دیوے انبراں دے
توں جد دیاں اکھاں پھیریاں
ساڈے آل دوالے مورتاں
ساڈے چار چفیرے ڈھیریاں
گل سن نی مائے میریے
تیرے بعد وی جینا کیہ جینا
ساڈے حال پرانیاں ککراں دے
نہ روپ رہیا، نہ رنگ رہیا
نہ جین دا کوئی ڈھنگ رہیا
کوئی درد گواچیاں روحاں دا
نت سولی اتے ٹنگ رہیا
گل سن نی مائے میریے
صغیر تبسم
No comments:
Post a Comment
Note: only a member of this blog may post a comment.