جیہڑی لکھی رات کہانی کِتھے وے
سونے ورگے روپ دی رانی کتھے وے
میں اسمانوں اگ بجھاون آیاں ساں
چارے پاسے اگ اے پانی کتھے وے
میرے سِر تے کھیتر آ گیا چاندی دا
ربا میرے نال دا ہانی کتھے وے
میں کہانی لِکھ دیاں گا دنیا دی
ایہ وی تے فِر دس سنانی کتھے وے
میں شعراں دی اگ سنبھال کے رکھی اے
چھیتی جئی ایہ دس لوانی کتھے وے
نظماں ویچ کے دولت کٹھی کیتی اے
سوچ رہیا واں یار لٹانی کتھے وے
صغیر تبسم
No comments:
Post a Comment
Note: only a member of this blog may post a comment.