پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
سانوں جنتوں کڈھیا لالچاں
سانوں کہندے آدم زاد
اسیں قاتل سَکے خون دے
ساڈی پہلی کھیڈ فساد
سانوں جیون لبھیا سہکدا
سانوں روندے لبھے نین
اسیں ہاسے کِسراں مانیئے
ساڈے بُلھیں رہندے وَین
سانوں شیشہ مہنے ماردا
ساڈے مُکھ تے اینا کوجھ
اسیں حِرصی حسبی لالچی
سانوں دھرتی کہندی بوجھ
اکرم ریحان
No comments:
Post a Comment
Note: only a member of this blog may post a comment.