ہر بندے دی سوچ بزاری، توبہ اے
توبہ اے ایہہ دنیاداری توبہ اے
ہور کسے وی روگ دا بھورا خطرہ نہیں
پر ایہہ جہڑی عشق بیماری، توبہ اے
جہڑی اوہدے نال گزاری، کیا کہنے
پر جو اوہدے باجھ گزاری، توبہ اے
جسراں جسراں جوبن ڈھلدا جاندا سُو
ہوندی جاوے ہور پیاری، توبہ اے
راتی رِنداں نیت کیتی، توبہ دی
توبہ کر کے پی گئے ساری، توبہ اے
اکرم ریحان
No comments:
Post a Comment
Note: only a member of this blog may post a comment.