مٹی اگ تے پانی چُپ اے
تاں ہوا مر جانی چپ اے
ایہدا مطلب کی سمجھاں میں
تند ٹُٹی تے تانی چپ اے
کی بولاں تے کی ناں بولاں
میری اصل کہانی چپ اے
رِڑکن والے دھوکے وچ نیں
پانی وچ مدھانی چپ اے
تیرے نال سی پَیلاں پاؤندی
ہون اے جِند نمانی چپ اے
بول رہی اے اکھاں والی
انھی بولی کانی چپ اے
چپ دے اگے چپ اے طاہرہ
کد تک ہور ہڈانی چُپ اے
طاہرہ سرا
No comments:
Post a Comment
Note: only a member of this blog may post a comment.