مقدمہ
نو مہینے ککھے رکھاں
موت دے منہ چوں مُڑ کے جمّاں
رَت چنگھا کے پالاں پوساں
ولدیت دے خانے دے وچ اوہدا ناں
کیہڑا میرا کرے نیاں؟
سوہنیاں ربا ڈاھڈیا ربا
توں آدم دا بت بنایا
اوہدی پسلی وچوں مینوں کڈھیا
مینوں میہنیاں جوگی چھڈیا
پسلی وچوں نکلی اے تے پسلی وانگ ای ٹیڈی اے
میرے لئی کی تیری کولوں مٹھ مٹی وی نئیں بجھی
سوہنیاں ربا ڈاھڈیا ربا
اوہدیا ربا
طاہرہ سرا
No comments:
Post a Comment
Note: only a member of this blog may post a comment.