یاراں دے نال یار بدلدے ویکھے نے
اکھیاں کر کے چار بدلدے ویکھے نے
سچیاں قسماں پکے وعدے کون کرے؟
کیتے قول اقرار بدلدے ویکھے نے
ویلے سر تے کوئی وی اپنا بن دا نئیں
مدتاں دے غمخوار بدل دے ویکھے نے
اک دوجے نوں غرضاں رکھ کے مل دے نے
دلبر تے دلدار بدل دے ویکھے نے
کیہڑا کیہندا بری نظامی بدلیا نئیں
بڑے بڑی سرکار بدل دے ویکھے نے
بری نظامی
No comments:
Post a Comment
Note: only a member of this blog may post a comment.