ککلی کلیر دی نی ککلی کلیر دی
چھلاں پئی ماردی جوانی جٹی ہیر دی
ککلی کلیر دی نی ککلی کلیر دی
چڑھدی جوانی نال چڑھ گیا بھا نی
نویں نویں جوبناں دے نویں نویں چا نی
جندڑی نہ رول دیویں کسے دلگیر دی
ککلی کلیر دی نی ککلی کلیر دی
جوڑے وچ موتیئے دے پھل پئے سجدے
کناں وچ مٹھے مٹھے گدھے پئے وجدے
کھل جاندے بھیت لوک بھاویں لکھ کجدے
پھٹی ہوئی ایں توں کسے ڈاڈھے تیر دی
ککلی کلیر دی نی ککلی کلیر دی
پلکاں دی جالی وچوں جھاکدیاں کہانیاں
پانیاں تے اگاں دیاں کھیڈاں نے پرانیاں
راہواں وچ ٹھیڈے کھان نظراں نمانیاں
تاب نہیوں جھلی جاندی تیرے ڈنگے چیر دی
ککلی کلیر دی نی ککلی کلیر دی
چپ چپ رہ کے وی ایہہ بڑا کجھ کہندیاں
لگ جان اکھیاں تے گجھیاں نہ رہندیاں
کہندیاں نے تانگھاں تینوں گھیر گھیر بہندیاں
سچ سچ دس دے نی سونہہ تینوں ویر دی
ککلی کلیر دی نی ککلی کلیر دی
ککلی کلیر دی نی ککلی کلیر دی
چھلاں پئی ماردی جوانی جٹی ہیر دی
ککلی کلیر دی نی ککلی کلیر دی
احمد راہی
No comments:
Post a Comment
Note: only a member of this blog may post a comment.