فلمی گیت
چُھپ جاؤ تاریو پا دیو ہنیر وے
اساں ایس رات دی نئیں ویکھنی سویر وے
چھپ جاؤ تاریو
پتہ سانوں پچھوں کسے یاد وی نئیوں کرنا
بہتا ہویا کہن گے کہ ساریاں نے مرنا
سوچیا اے تاہئیوں ایتھے لائیے کاہنوں دیر وے
اساں ایس رات دی نئیں ویکھنی سویر وے
چھپ جاؤ تاریو
تاریو جے میل تہاڈا ہووے ماہی نال وے
دس دینا تسی میرا ویکھیا جو حال وے
حشر دیہاڑے اوہنوں ملاں گی فیر وے
اساں ایس رات دی نئیں ویکھنی سویر وے
چھپ جاؤ تاریو
بابلا وے آخری سلام پگ تیری نوں
ویخ کے نہ رونویں چنی شگناں دی میری نوں
کل ایس ویلے ہوناں مٹی دا میں ڈھیر وے
اساں ایس رات دی نئیں ویکھنی سویر وے
چھپ جاؤ تاریو
اج سوہنے ماہی دا جہان چھڈ جاواں گی
جاواں گی تے فیر کدی مڑ کے نہ آواں گی
جان میری موت دیاں بھاواں لیا گھیر وے
اساں اس رات دی نئیں ویکھنی سویر وے
چھپ جاؤ تاریو
وارث لدھیانوی
No comments:
Post a Comment
Note: only a member of this blog may post a comment.