گیت
زندگی تماشا بنی
دنیا دا ہاسا بنی
کِتے وی نہ پیار مِلیا
زندگی تماشا بنی
دنیا دا ہاسا بنی
جو کُجھ سوچیا سی دل وِچ رہ گیا
اوہدی ہووے خیر جیہڑا خوشیاں وی لے گیا
اپنا بے گانہ ہویا، ویری زمانہ ہویا
کِتے نہ قرار ملیا
زندگی تماشا بنی
دنیا دا ہاسا بنی
میں اوہدی کجھ وی نئیں اوہ وی اج کہہ گیا
ایدے کولوں ودھ کیہڑا دکھ باقی رہ گیا
سجناں توں وکھ ہوئی، گلیاں دا ککھ ہوئی
ویری دلدار ملیا
زندگی تماشا بنی
دنیا دا ہاسا بنی
تیرے بِنا زندگی دا کی مزہ رہ گیا
چھڈ کے جہان مینوں دور جانا پے گیا
مُک گئے نی چاہ میرے، اُکھڑے نی ساہ میرے
تُوں نہ جاندی وار ملیا
زندگی تماشا بنی
دنیا دا ہاسا بنی
وارث لدھیانوی
No comments:
Post a Comment
Note: only a member of this blog may post a comment.