گیت
نی چنبے دیئے بند کلیئے
تینوں جہڑے ویلے رب نے بنایا
تے سوچاں وِچ آپ پے گیا
دُوجا چن کدھروں چڑھ آیا
نی چنبے دیئے بند کلیئے
اکھیاں نیں یا پھل کنول دے
بلہیاں نیں جویں دو شعر غزل دے
تے ہاسا وچوں انج ڈُھلدا
جویں جام کسے نیں چھلکایا
تے سوچاں وچ آپ پے گیا
دوجا چن کدھروں چڑھ آیا
نی چنبے دیئے بند کلیئے
تینوں کسے نال جان نئیں دینا
غیراں نوں ہتھ لان نئیں دینا
نی گُڈیئے حسن دیئے
پیچا ایہو جیئا عشقے دا پایا
تے سوچاں وچ آپ پے گیا
دوجا چن کدھروں چڑھ آیا
نی چنبے دیئے بند کلیئے
لٹ تیری انج گوری گلہہ اُتوں تِلکے
جچھی جیویں پاوے صبح شام نال مل کے
تے بہہ گئے اسیں دل پھڑ کے
تیرے لَک نوں ہُلارا جدوں آیا
تے سوچاں وچ آپ پے گیا
دوجا چن کدھروں چڑھ آیا
نی چنبے دیئے بند کلیئے
وارث لدھیانوی
No comments:
Post a Comment
Note: only a member of this blog may post a comment.