لمبی داڑھی اچی ستھن

 لمبی داڑھی اُچی سُتھن

ایہو کُل تُو دِین بنا دِتا

رب لبدا بیماراں، پُکھیاں وِچ

اے درس تُو پِچھے پا دِتا

اپنے پیٹ دی دوزخ لئی

سانوں پُٹھی جنت پا دِتا

جِتھے ہر دُجا ہُن کافر دِسے

او سانوں کیڑھا دین پڑھا دِتا

میرا دِین محبت چاہت دا

وِچ جبر تُو کِتھوں پا دِتا

رب وسدا دِلاں دے وِچ واصف

تاڈے ممبر سانوں پُلا دِتا

جے میں سچ آکھاں تے مُلا جی

تُسی بیڑا غرق کرا دِتا

واصف اسلم