مری نظماں دا سرناواں
میں اپنے لفظاں اچ تیرے لہجے دا رنگ بھر کے
میں تیری ساہواں دی سنسناہٹ نوں قید کر کے
ترے خیالاں دی چاشنی نوں لباں تے دھر کے
خموشیاں نوں گواہ کر کے
میں کورے کاغذ تے سب تخیل اتار دتے
میں خواب سارے تری نگاہواں توں وار دتے
تو ایہہ کدی وی نئیں جان سکدا تو بے خبر ایں
ایہہ لفظ سارے تے سب تخیل تری ہی مسکان دا اثر نیں
تو میری غزلاں دے سارے شعراں اچ مسکروایں
تو بن کے سرناواں میری نظماں دا جگمگاویں
حنا کوثر
No comments:
Post a Comment
Note: only a member of this blog may post a comment.