روپہلا عشق
اکھیاں دی کنگری تے خواباں دیاں جھالراں
گلہاں اتے پھلاں دے رنگاں دیا ں لالیاں
ہونٹاں اتے لفظاں دے موتی جئے کھڑدے
ساہواں چ ریشم دے تاراں جہی اے نرمی
زلفاں نوں کالے جئے بدلاں نے ڈھک کے
چن جیہی صورت اتے پہرا جیہا رکھیائے
جوبن روپہلا اے، عشق اوہدا پہلا اے
خورے او سوہنی اے ،مٹھی اے پیاری اے
اوہدیاں اکھاں دے وچ، عجب خماری اے
دل دیاں گلاں او سب توں لکاوندی اے
دل نوں ای دسدی اے دل نوں سناوندی اے
عشقے دا نور اونہے اکھاں اچ پایا اے
دل دیاں درداں نوں ہس کے ہنڈایا اے
جوبن روپہلا اے، عشق اوہدا پہلا اے
حنا کوثر
No comments:
Post a Comment
Note: only a member of this blog may post a comment.