پکے کھوہ
بھلا کیہ نال پلکاں دے
سمندر چھٹ لیں گا
کیہ ندیاں پور لیں گا
کیہ دریا چٹ لیں گا
ہوا دے ٹنگنے تے
کیہ اکھیاں ٹنگ لیں گا
کیہ امبر پوچ لیں گا
کیہ دھرتی رنگ لیں گا
وچھوڑا ہاردا نہیں
وچھوڑا ہار دیندا اے
کوئی کیڈا وی نر ہووے
وچھوڑا مار دیندا اے
بِرہا دی سپنی نوں
دھگانے چھیڑدے نیں
اوہ پکے کھوہ نیں جیہڑے
اوہناں نوں گیڑدے نیں
سیانے آکھدے نیں
اجہیاں تھانواں دے اُتے
اجہی تھاویں سخر ویلے
بلاواں ہوندیاں نیں
رفاقت حسین ممتاز
No comments:
Post a Comment
Note: only a member of this blog may post a comment.