پلڑے وچ ہُن کُجھ نئیں رہیا کی اپنے دل نُوں سمجھاواں
کیویں پیڑھی اُتے بہہ کے، ٹاکی اسماناں تے لاواں
اُچا بُوہا لا وی لیا تے فیر بھلا کی ہووے گا
اندروں ڈھیندے گھر نوں دسو، کتھوں لیا کے محل بناواں
یاد تے مینوں فیر رہوے جے خیال گواچیا لبھ جاوے
جنگل دے وچ تیر چلاواں، کھوج کدی نا اوھدا پاواں
جس گھڑے دا ڈھکن چُکیا، باہروں ترِمدا اندروں سُکیا
کتھے جا کے پیاس بُجھاواں، کدھرے پیاسا نا مر جاواں
سارے رنگ اوھدے نے شاہ جی، سدا سہایا رہندا جہڑا
بھانویں وچ دربار کھلوواں، بھانویں متھا آپ سجاواں
ظفر کاظمی
No comments:
Post a Comment
Note: only a member of this blog may post a comment.