میں تے توں جے ساتھی ہوندے
کاہنوں کلیاں بہہ کے روندے
جنی دیر وی چلدیاں ساہواں
پیار دے دونویں ہار پروندے
اک دوجے نال دکھ سکھ ویلے
دونویں موڈھا جوڑ کھلوندے
عشق مراداں پاؤندے ھر دم
رل مل کھوہ نیناں دے جوندے
اکدوجے دی دید توں پہلاں
اکھیاں عرق گلابوں دھوندے
دس انہاں نوں میں کیہ آکھاں
جہڑے بیع نفرت دا بوندے
ہجر ترے وچ طارق انجم
اکھ دے کوٹھے رہندے چوندے
طارق انجم
No comments:
Post a Comment
Note: only a member of this blog may post a comment.