ڈھٹھے گھر وچ انج کھلوتا رہناں ڈریا ہویا
کتبہ جیویں قبر پرانی اتے دھریا ہویا
سجنا میرے اندر کدھرے آس دا لاوا بھر دے
نہیں تے برفاں ہوجانا اے جثہ ٹھریا ہویا
تیرے غم نوں رکھیا اے میں ہتھ دے چھالے وانگر
گَل تائیں بھاویں میرا جثہ کنڈیاں بھریا ہویا
کِنے سوہنے ہو جاندے نیں کَلا بہہ کے سوچیں
بندہ رُنّا ہویا یا فر بَدل ورہیا ہویا
مان ایوب کریں نہ بھُل کے ایس خزانے اتے
مُک جانا ای ہک دن ساہ دا کوٹھا بھریا ہویا
ایوب کموکا
No comments:
Post a Comment
Note: only a member of this blog may post a comment.