ہن جے دھوکھا نئیں ملیا
تینوں موقع نئیں ملیا
سُفنے سُفنا ہو گئے نیں
ماہی آیا نئیں ملیا
سوچ تے دریا ورگی سی
مینوں رستہ نئیں ملیا
اج غرضاں دا مندا اے
کوئی اپنا نئیں ملیا
سورج بنیا بیٹھا ایں
تینوں دیوا نئیں ملیا
تیرے کم نیں چوہدریا
ربوں ٹھوٹھا نئیں ملیا
چُوری موڑ لیائی آں
بیلے رانجھا نئیں ملیا
بشریٰ ناز
No comments:
Post a Comment
Note: only a member of this blog may post a comment.