تیرے تے اتبار نئیں کیتا جا سکدا
جھوٹا ایں ناں پیار نئیں کیتا جا سکدا
دل دے سودے اکے پکے ہوندے نیں
دل دا کاروبار نئیں کیتا جا سکدا
منیا جیون دے لئی پیار ضروری اے
سوچاں تے اسوار نئیں کیتا جا سکدا
چپ کر سانُوں چہرے پڑھنے آوندے نیں
اکھراں وچ اظہار نئیں کیتا جا سکدا
دل دیون لئی کملا ہویا پھرناں ایں
تینوں تے انکار نئیں کیتا جا سکدا
بشریٰ ناز
No comments:
Post a Comment
Note: only a member of this blog may post a comment.