نخرے جوانی سب سنگ جاندے چَھڈ اے
یار دا وچھوڑا بَھن توڑ دیندا ہَڈ اے
ایناں نہ اُلاہنگ چاچا، منہ بھار ڈِگیں گا
پیر دَھر جوڑ کے ایہ راہ ذرا اَڈ اے
مَتھے وَٹ پا کے سلام جہڑا آکھیا ای
طعنیاں مروڑیاں دی لدی ہوئی گَڈ اے
راواں، بادشاہواں نال آڈھا لا بیٹھا واں
پِچھے دونویں پئے نیں تے اَگے میرے کَھڈ اے
دُھپ ہووے، چھاں ہووے، بھانویں ہون کَنیاں
آسی بڑا مِیسنا جے، ڈَنگ لیندا کَڈھ اے
یعقوب آسی
No comments:
Post a Comment
Note: only a member of this blog may post a comment.