بے قدراں نال بُھل کے لائیاں
ٹہٹھے کُھوہ وِچ لجّاں پائیاں
دیس چھڈے پردیس وسائے
بُوہے بھا کے وانگ شودائیاں
تن من اپنا زخمی ہویا
ورت گئیاں دلگیر جدائیاں
ڈِگ ڈِگ کے جد ٹُرناں سِکھیا
سجناں اکھیاں پرت وکھائیاں
منہ سر گھٹا کھوٹہ پینڈا
واہ لیکھاں دیاں بے پروائیاں
چِڑیاں چُگیا کھیت ناں اُگدا
لکھ ساون پیا کرے ترائیاں
نِبڑ گئے سوچاں دے جذبے
دل دِیاں سدھراں نور گوائیاں
نور ملک
No comments:
Post a Comment
Note: only a member of this blog may post a comment.