ہاڑا
ہر پاسے اک پِٹ سیاپا
ہر پاسے نیں وین
تیریاں رمزاں توں ای جانیں
میں بے وس، بے چین
ہُن تے ایتھے میریا ربا
سب دے وگدے نین
لاشاں چُک چُک تھکیا آدم
رووے تے کرلاوے
اسماناں ول بِٹ بِٹ تکدا
تینوں ترس نہ آوے
کیہ آکھاں میں میرا ربا
مینوں سمجھ نہ آوے
پھُلاں توں خشبوواں رُسیاں
تاریاں کولوں لو
ایسی لال ہنیری جھُلی
سمجھ نہ آوے کو
کِنوں آکھاں میریا ربا
میرے نال کھلو
ویکھ تری دھرتی دا جُثہ
ہویا لیر و لیر
سارے لوکی کاسے پھڑکے
پھردے وانگ فقیر
اِک اِک ساہ لئی میرا ربا
تڑپھن پئے اخیر
بستیاں وچ اداسی نچّے
گلیاں وچ ہنیر
میریاں اکھاں اتھروکیرن
ہتھ پئے کنبدے فیر
کدھر جاواں میریا ربا
ایدھر وی منہ پھیر
یونس خیال
No comments:
Post a Comment
Note: only a member of this blog may post a comment.