تیرے دیدار دے باجھوں، نہ جلوہ طُور دا رہندا
خدا جے ہووندا ظاہر، تاں کلُا جھُوردا رہندا
اوہ راتیں قمقمے بالن، دِنے سورج رہے محلیں
ہنھیرے دی پناہ خاطر، ہے گھر مزدور دا رہندا
ڈراکل جہی حیاتی نے، بڑے ہوکے ہنڈھائے نے
کدی دُنیا دا ڈر رہندا، کدی دستور دا رہندا
او اشکا! سادگی تیری، تُوں لاویں نال سینے دے
بھُلاں کی روپ دا جیون، نکارا گھوردا رہندا
اساڈے وانگراں مُلاں، تلی تے دل لئی پھردا
کدی جے ذہن وچ اوہدے، نہ لالچ حُور دا رہندا
جدوں تاریخ دے ورقے پڑھو، تاں سوچ کے پڑھیو
خطا سلطان کردے نے، تے ناں جمہور دا رہندا
سلطان کھاروی
No comments:
Post a Comment
Note: only a member of this blog may post a comment.