کِنے موسم پہن ہنڈھائے، ویکھ بہاراں لئیاں نے
اک تمنا ہُن وی باقی، تُوں نہ ساراں لئیاں نے
کل اِکو اک سُرخی پڑھکے، ساری رات میں سُتا نہ
ہوکا سُن کے ہاکر دا، اج پھر اخباراں لئیاں نے
نیت ساڈی دوہاں دی، بازارے ظاہر ہو گئی اے
میں تے پھُل خریدے نے، پر تُوں تلواراں لئیاں نے
منزل میری جھا کر کے، ہو گئی اے اوہلے میرے توں
میریاں ساراں لئیاں نے تے راہ دیاں خاراں لئیاں نے
نین تِرے تھِیں جوڑن والی ایس خطا توں لبھا کی؟
زلفاں نُو کی چھوہیا، چھوہ بجلی دیاں تاراں لئیاں نے
رات گزر گئی بات گزر گئی، آیا ہُن سلطان علی
ہٹ ودھا گیا ساقی، رِنداں مار اج ماراں لئیاں نے
سلطان کھاروی
No comments:
Post a Comment
Note: only a member of this blog may post a comment.