اسیں سُولی چڑھدے ڈولے نہیں
اسیں سی نہیں کیتی، بولے نہیں
اسیں ٹکٹکیاں تے چڑھدے رہے
اسیں اپنی گل تے اڑے رہے
اسیں کوڑے کھادے شاناں نال
اسیں جیلاں کٹیاں آناں نال
ظلماں نوں ہس کے سہندے رہے
غاصب نوں غاصب کہندے رہے
جا ٹِلّے کن پڑواندے رہے
رنگپور وچ الکھ جگاندے رہے
اساں ہیراں دل چوں کڈھیاں نہیں
اساں منگاں کدے وی چھڈیاں نہیں
اسیں شاہ حسین تے بُلھے ہاں
اسیں ساندل بار دے دُلھے ہاں
ناگاں نال منجھیاں بن لیندے
سولاں دیاں سیجاں چن لیندے
نصیر کوی
No comments:
Post a Comment
Note: only a member of this blog may post a comment.