کِنج نال سجن دے رہنا اے
ساڈا جاندی وار دا کہنا اے
اسیں اک دُوجے دے موہرے سی
دن شیشے وانگر کورے سی
وِچ پئی تریڑ وچھوڑے دی
اج گَل نہ چھیڑ وچھوڑے دی
دو گھڑیاں کر لے سانجھے ساہ
تیرا اودھر راہ، میرا ایدھر راہ
اساں کھیڈ رچائے رَل مِل کے
دن چار لنگھائے رَل مِل کے
جدوں اکھ نُوں یار نہ لبھن گے
فیر دن وی راتاں لگن گے
اکھ کھول کے رکھیں سوویں نہ
تینوں میری سونہہ اے روویں نہ
کِنج نال سجن دے رہنا اے
ساڈا جاندی وار دا کہنا اے
حکیم احمد نعیم ارشد
No comments:
Post a Comment
Note: only a member of this blog may post a comment.