کیہ کیہ تحفے گھلّے نیں
گانی، ونگاں، چھلّے نیں
کملی سب نوں دٙسدی اے
گھلّے نیں ایہ جھلّے نیں
گُڑتی اوہنوں انکھاں دی
شرماں اوہدے پلّے نیں
حسناں دی اوہ ملکہ اے
پریاں اس توں تھلے نیں
سانجھ اے سجناں روحاں دی
جُسّے کلّے کلّے نیں
اوہدے ترسے نیناں نیں
رستے میرے ملّے نیں
لیکھک نظماں دی عرفان
غزلاں بلّے بلّے نیں
عرفان کھوکھر
No comments:
Post a Comment
Note: only a member of this blog may post a comment.