بھورا شک وی لے بہندا اے
بوہتا پک وی لے بہندا اے
گھر دا رولا جاندا ہویا
کندھاں تک وی لے بہندا اے
موٹی اکھ وی کُجھ نہیں چھڈدی
پتلا لک وی لے بہندا اے
بندا یا فر بھریا بھانڈا
نکو نک وی لے بہندا اے
جے کر ہووے لیکھاں بھریا
چونڈھی چک وی لے بہندا اے
لگ جاوے یا لا کے چھڈیا
کُھلا ٹک وی لے بہندا اے
حدوں ودھیا سندھو نِت دا
سُرمہ سک وی لے بہندا اے
ارشاد سندھو
No comments:
Post a Comment
Note: only a member of this blog may post a comment.