خورے کنے پینڈے ہن
ٹُردیاں، ٹُردیاں تھک جانا ہاں
ڈِگ پینا ہاں
فیر وی اٹھ کے بہہ جانا ہاں
اوکھے، اوکھے ساہ لینا ہاں
فیر اُٹھدا ہاں
ٹُر پینا ہاں
میں تے ایس سفر دے اندر
ساری عمر گزاری اے پر
حالی پینڈے مُکے نائیں
ایہہ تے لیکھے لکّھن والا
اوہ میرا رب سچا جانے
حالیں میرے بختاں دے وچ
خورے کِنے پینڈے نیں
تے
خورے کد ایہہ مُکنے نیں
اقبال طارق
No comments:
Post a Comment
Note: only a member of this blog may post a comment.