ویلے کولوں ہارے نئیں
اسی بے اعتبارے نئیں
ماڑے اگے روٹی نچے
جگنو چن تے تارے نئیں
کیہڑا کونا کھدڑا جتھے
دکھ درداں دے مارے نئیں
مُل چکاندے غیرت والے
عزت دے ہرکارے نئیں
میں تے تیری سیرت ویکھی
پیسے دے لشکارے نئیں
کجھ دُکھاں دے ویلا وی تے
کردا کدی نتارے نئیں
ہجر تِرے نے دسیا مینوں
دل تے تِرے اجارے نئیں
سجن تے فیر سجن ہوندا اے
دشمن وی پھٹکارے نئیں
جگنو چن ستارے تابشِ
منگے کدی ادھارے نئیں
شہزاد تابش
No comments:
Post a Comment
Note: only a member of this blog may post a comment.