جناں مرضی رکھ لا کس کے
دل نے کیہڑا جانا دس کے
مر جانے دی سمجھ نئیں آوندی
اوہدے ولے جاندا نھس کے
مٹی دے وچ مٹی ہویا
اکھیاں وچوں لہو رس رس کے
انھے وا ای بھجدی جاواں
بے چینی دے تسمے کس کے
چٹے دن اچ نھیرا ہویا
چوڑی ٹٹی کف اچ پھس کے
گلاں دے وچ آ نئیں سکدی
نہ لایا کر ایویں مسکے
لون چھڑک کے زخماں اتے
بشریٰ ہر کوئی لاندا چسکے
بشریٰ ناز
No comments:
Post a Comment
Note: only a member of this blog may post a comment.