جیویں کیسر کیرے باشنا
تیرے مڑھکے دی خشبو
تُوں گھر گھر ونڈیں چاننا
تُوں کس تارے دی لو
تینوں ویلا رک کے آکھدا
جھٹ میرے نال کھلو
چن ایویں تے نئیں چمکدا
تیرے رُوپ اچ تاری لئی
تینوں رج کے تکیا تاریاں
فر سورج واری لئی
سُن نی لیکھاں مارئیے
ایہہ جیون زہر دی لَپ
توں سِر تے دوگھڑ چا لئی
تے گل وچ پا لے سپ
ہُن لیکاں مار زمین تے
ہُن پیڑے بہہ کے نَپ
اشرف یوسفی
No comments:
Post a Comment
Note: only a member of this blog may post a comment.