گوجری عارفانہ کلام
چِر کر بیٹھو چِرکی راہی بنجر کھیتی اللہ
میں سُنیو ہے جھاڑ نیں دیتی فصل پچھیتی اللہ
موسم مندوہ، ہاڑ ہڑلا، بدّل گجّے، کڑکے
آئے نہ میری کھیت پکی وی ہیٹھ بریتی اللہ
دِل پر مُچ زنگال پرانو آپ کِیو شاہ کالو
اللہ ہُو کی ضرب ہے تیرا ناں کی ریتی اللہ
نس آیو ہن ٹھاکے ڈکے کاہڈ لگو ہے ویری
بِھِت ٹکھوروں بُوہو کھولو چھتی چھیتی اللہ
مُچ شرمندو ہو کے آیو ربا عرض گزاروں
رحمت تیری مار کلاوو جے چاء لیتی اللہ
سوا نیزے دِینھ کی لالی محشر اوچر اوکھی
پاک نبیﷺ کی کالی کملی چھاں چاء دیتی اللہ
عبدالرشید چوہدری
عبدالرشید چودھری
No comments:
Post a Comment
Note: only a member of this blog may post a comment.