پنجابی شاعری
میرا روگ پچھان کے چپ اے
جاندا اے پر جان کے چپ اے
اوہ وی لمی تان کے چپ اے
میرا روگ پچھان کے چپ اے
بلھ نیں چپ ایہہ دیوے چپ نیں
چپ نیں گیت قصیدے چپ نیں
چُپ جِتے یاں ہاں جِتے گی
سوچاں خورے ناں جِتے گی
اوہ وی تے کُجھ ٹھان کے چُپ اے
میرا روگ پچھان کے چُپ اے
کتھوں تیک اے چپ چپ رئے گی
اوہنوں ایہہ چپ توڑنی پئے گی
جہڑا نیڑے آن کے چُپ اے
میرا روگ پچھان کے چُپ اے
اوہ وی لمی تان کے چپ اے
میرا روگ پچھان کے چپ اے
اختر کاشمیری
No comments:
Post a Comment
Note: only a member of this blog may post a comment.