جہڑے بندے دے ول جھاکاں، لگے کھویا کھویا
جہڑا منہ بُکل چوں کڈھے، جاپے رویا رویا
خورے کہڑا خوف ہے طاری سہمے سہمے بندے
اس بستی دا اک اک بُوہا، دسے ڈھویا ڈھویا
انج لگدا ہے جیوں دھرتی تے، پتھر برسے ہوون
پدھر تھاواں کِتے نہ لبھن، جاپے ٹویا ٹویا
اپنے موڈھیاں اُتے بندہ، اپنی لاش دھرِیکے
انج تے ٹردا پھردا لگے، پر ہے مویا مویا
کتھوں تیک کرو گے کھوٹے، ونج وپاری لوکو
کفن نویں دے مُل جو دِتا، لگے دھویا دھویا
رسماں دے اس نگر دے اندر، اختر اپنی پونجی
لُٹی گئی اک پل دے اندر، جوڑی پھویا پھویا
اختر کاشمیری
No comments:
Post a Comment
Note: only a member of this blog may post a comment.