بُڈھے پیو توں عمراں دا گلزار نہ ونڈیا جاوے
اتھرو کِر کِر جاندے نیں گھر بار نہ ونڈیا جاوے
ونڈیا جاندا ملک جدوں بندے وی ونڈے جاندے
پیار مگر اک ایسی شے ہے پیار نہ ونڈیا جاوے
اساں تے پہلاں ای اپنے آپ نوں ونڈی پھردے آں
سانوں ہور حداں وچ ہن سرکار نہ ونڈیا جاوے
کی دسئیے کیوں اساں کسے نوں حال سناوندے نئیں
اپنے ہتھیں ساتھوں اپنا یار نہ ونڈیا جاوے
یونس امین
No comments:
Post a Comment
Note: only a member of this blog may post a comment.