اج کل تیری ہور محبت لگدی اے
دل دی ڈاکو چور محبت لگدی اے
اوہدی یار طبیعت جو عشقولی اے
تائیوں سوہنی ٹور محبت لگدی اے
متھے اتے تان کے چھتری انگلاں دی
کر لئے تھوڑا غور، محبت لگدی اے
جو اک تھاں تے ثابت رہ نہیں سکدی اوہ
پیراں دی کمزور محبت لگدی اے
ہجر سمے دے ساہنویں آن کھلوتی اے
بڑی کوئی مونہ زور محبت لگدی اے
حیدر تیرا جینا مشکل لگدا اے
پا لئے جناں شور محبت لگدی اے
حیدر علی
No comments:
Post a Comment
Note: only a member of this blog may post a comment.