پیراں بھار کھلووے گا تے ہَسے گا
سارے دھونے دھووے گا تے ہسے گا
حالے ٹھیک اے ایسے لئی تے ہسدا نہیں
پورا پاگل ہووے گا تے ہسے گا
اج فِر دل نے دل دی مرضی کر لئی اے
اج فِر چندرا رووے گا تے ہسے گا
اوہنوں تار کے کیہ کردا اے خبراں نہیں
مینوں لیکھ ڈبووے گا تے ہسے گا
اس دُنیا وچ اوہیو ای رہ سکدا اے
جہڑا دُکھ لکووے گا تے ہسے گا
کُوفی ذہن دی ایہہ وی اک نشانی اے
جد کسے نوں کوہوے گا تے ہسے گا
ہجر کمینہ جد وی پُجیا، اودوں ای
وکھری تون ولووے گا تے ہسے گا
سندھو ایتھے جو وی ہسنا چاؤہندا اے
اپنا ہاسا کھوہوے گا تے ہسے گا
ارشاد سندھو
No comments:
Post a Comment
Note: only a member of this blog may post a comment.