اکھاں ساہویں کِنج اکھاں دے سُکھ نے اِٹاں ڈھوئیاں
دُکھ ہویا جد پُھلاں ورگے مُکھ نے اٹاں ڈھوئیاں
اَیویں تے نہیں بن گئے مِترا تیرے محل منارے
لوڑ کِسے دی گارا دِتا بُھکھ نے اٹاں ڈھوئیاں
باؤ جی میں اِنج نہیں پڑھیا پڑھن لئی ساڈے گھردی
چھاں نے گھر گھر بھانڈے مانجے رُکھ نے اٹاں ڈھوئیاں
ہسدے وسدے دندیاں کڈھدے سُکھ نوں کِنج سمجھاواں
خورے کہڑے دُکھوں کَہڑے دُکھ نے اٹاں ڈھوئیاں
اج وی اٹاں ڈھون والے اوہیو نیں ناں سندھو
اوہ جِہناں دے جمنوں پہلاں کُکھ نے اٹاں ڈھوئیاں
ارشاد سندھو
No comments:
Post a Comment
Note: only a member of this blog may post a comment.