سفنے
جگرے دی رت بال کے
اساں سجناں دے راہ رُشنائے
ہجراں نوں چلھے چاھڑیا
نالے یاداں دے تڑکے لائے
ریجھاں والی سیج اتوں
سپ وہماں دے مار بھجائے
چندریاں پوناں نیں
گیت برہوں دے فیر وی گائے
سدھراں نمانیاں نوں
کسے گل دی سمجھ نہ آئے
اونی ساڈی عمر نہیں
جنے دکھ ایس جان ھنڈائے
ایسے گلوں سکھ چندرے
سانوں کہن غماں دے جائے
سفنے سندھوری رنگ دے
ساڈی نیند نوں میچ نہ آئے
انجم رانا
No comments:
Post a Comment
Note: only a member of this blog may post a comment.