دل دا ویہڑہ اُنجے خالم خالی سی
وچھڑن ویلے اکھیاں دے وچ لالی سی
اِک دن اُوسے میرے دل نوں ڈنگیا سی
جیہڑی سَدھر خُون پیا کے پالی سی
جس دن اوس پروہنے وِدیا ہونا سی
اُس دن میری حالت ویکھن والی سی
باپو ورگا بوہڑ دا بوٹا ہُندا سی
ایتھے کدھرے ماں ورگی اک ٹاہلی سی
جان والے نئیں پرت کے آئے میثم صاب
ایویں ساری دل دی خام خیالی سی
میثم علی آغا
No comments:
Post a Comment
Note: only a member of this blog may post a comment.