پانی وچ مدھانی پے گئی
ایویں گل ودھانی پے گئی
سوہنی ڈُبی وچ چنہاں دے
گھر گھر پیار کہانی پے گئی
ویریاں دے پُت وڈے ہو گئے
پہنڈی فیر پرانی پے گئی
فون آؤنا اے نہ کوئی چٹھی
دل نوں گل سمجھاؤںی پے گئی
دونہاں ملن دے وعدے کیتے
انگل وچ نشانی پے گئی
گل اک مونہوں کی کڈھی سی
ساری عمر نبھانی پے گئی
آزاد اوہنوں کول بٹھا کے
تازہ نظم سنانی پے گئی
آزاد حسین
No comments:
Post a Comment
Note: only a member of this blog may post a comment.