پہلا مان بھراواں تے
دُوجا اپنیاں بانہواں تے
ڈَکیا قہر میں سورج دا
جُسا تان کے چھاواں تے
خُشبو یار دے ساہنواں دی
ٹُردی میریاں ساہنواں تے
تیرے وانگوں میں وی جے
تینوں ہتھ کراواں تے
پُھل پیراں توں ہِل جاندے
تیری گل ہلاواں تے
ماس اُڈیکاں کھاہدا اے
پنجر رُلیا راہواں تے
سارا ٹَبر جیندا اے
اِکو میریاں ساہنواں تے
رُوح وِچ وَسن والے دا
ناں کیہ لکھنا بانہواں تے
جھلیئے کاہنوں پانی ایں
دل دی گل صلاحواں تے
علی احمد گجراتی
No comments:
Post a Comment
Note: only a member of this blog may post a comment.