ہسیا کر توں، بھاویں ہاسا مہنگا اے
ماڑے لئی تے اج پتاسا مہنگا اے
جنہاں کول اج بھکھ دفنان نوں پیسہ نئیں
رو رو ایہو کہن، دلاسا مہنگا اے
اک شے ہتھوں گئی تے دوجی ہتھ آئی
تاں اج غیرت نالوں کاسا مہنگا اے
جنہاں دے منہ وچ اے چمچا سونے دا
اونہاں لئی ایہہ تولا ماسا، مہنگا اے؟
شیواں انج دی لاہنگ بھری اے یار ظفر
جس پاسے وی جائیے، پاسا مہنگا اے
ظفر اقبال
(چونیاں والے)
No comments:
Post a Comment
Note: only a member of this blog may post a comment.