باری دے وچ بیٹھیاں ہوئیاں
چن نوں تکن والیاں اکھاں
عمراں دا پند کر آئیاں نیں
دور سروٹاں دے اوہے وچ
ٹُٹ کے تارا ڈِگیا اے
واء دے بُلہیں ہاسے نیں
سب کجھ کس نوں ملیا اے
کاہنوں نین اداسے نیں
رات ڈھلن دے نال ای اج وی
جگراتے نال بھریاں اکھاں
اک ہؤکا جیہا بھریا اے
دِیوے بُجھن لگ پئے نیں
ہارے نین جواری خؤرے
کیہڑے گُر نال پُگن گے
وگدے اتھرو سُکن گے
کد ایہہ پینڈے مُکن گے
میثم علی آغا
No comments:
Post a Comment
Note: only a member of this blog may post a comment.