وِچھڑن ویلے اک نویں دلاسے وانگوں
وعدہ اوہدے بلھیں کھڑیا ہاسے وانگوں
میں ویلے توں لوکاں دے لئی سکھ منگے سی
ویلا مینوں لئی پھردا اے کاسے وانگوں
اکھ دریا وچ ریت وی چمکن لگ پیندی اے
جس دن اتھرو پی لیناں واں پیاسے وانگوں
میں بالاں نوں محنت کر کر سونا کیتا
مینوں بالاں ونڈیا تولے ماسے وانگوں
یار تے کدھرے رہے گئے توں ایہہ ویکھ ظفر ہن
کوئی اک ساہ نئیں آندا بھرواسے وانگوں
ظفر اقبال
(چونیاں والے)
No comments:
Post a Comment
Note: only a member of this blog may post a comment.