رکھے رب اچیری بابا
ہر ویلے پگ تیری بابا
اج تے عید اے اج تے نہ جا
اج تے رہن دے پھیری بابا
نِت نِت وٹے کھاون نالوں
پٹ ای دے توں بیری بابا
چھپراں دے ای آل دوالے
رہندی کیوں اے نھیری بابا
جو جمے آں جوہ ہنساں دی
کاواں ہوئی اے گھیری بابا
اِکو دُکھ تے اِک کہانی
چڑیاں دی تے میری بابا
ایتھے اوہیو بھکھے نیں ناں
جہناں کول ودھیری بابا
تیرے وانگوں اج میں کیتی
بھکھ دے نال بتھیری بابا
ارشاد سندھو
No comments:
Post a Comment
Note: only a member of this blog may post a comment.