جتھے تیرے پیر او بیلی
اوتھے ہووے خیر او بیلی
لیڈراں اُتے ورھدے پُھل
مینوں لگن زہر او بیلی
ہووے گا کدی راوی دریا
ہُن وچارا نہر او بیلی
لمے سوکے مارُو پانی
ون سونے قہر او بیلی
راہ میری وِچ وِچھے پینڈا
نالے آکھے؛ ٹھہر او بیلی
وِچ چَنہاں جنے سوہنی روڑھی
دل وچ اُٹھی، لہر او بیلی
شیراں دے ہُن ہرن شکاری
جنگل ہویا شہر او بیلی
فلک شیر
No comments:
Post a Comment
Note: only a member of this blog may post a comment.