میری ماں
جُگ جُگ جیوے میری ماں
ایہہ جنت دی ٹھنڈی چھاں
ہر ویلے دل کردا میرا
ماں دا چہرہ تکدا راں
میرے لئی دعاواں کردی
جد وی گھر توں باہر میں جاں
لکھ کروڑاں نال نہ لبھے
ایس جگ اُتے اپنی ماں
ماں نے آج تک گل نہ موڑی
کہیا میں جو وی کیتی ہاں
کردی بسم اللہ بسم اللہ
جد ویہڑے وچ پَیر میں پاں
مینوں جد وی موقعہ لبھدا
ماں دے پَیراں نوں چُم لاں
ماں دے صدقے آج قلندری
چمکے جَگ تے میرا ناں
اکرم قلندری
No comments:
Post a Comment
Note: only a member of this blog may post a comment.